आ. महेंद्र थोरवे यांनी माफी न मागितल्यास राष्ट्रवादी पद्धतीने उत्तर देऊ- तालुकाध्यक्ष सुभाष केकाणे
पोलीस प्रवाह न्यूज
माणगांव-दि. ११- रायगड जिल्हा माजी पालकमंत्री तथा श्रीवर्धन विधानसभा आ. आदिती तटकरे यांच्याबद्दल आ. महेंद्र थोरवे यांनी केलेल्या त्या बेताल वक्तव्याबद्दल माफी न मागितल्यास त्यांना राष्ट्रवादी काँग्रेस पद्धतीने उत्तर दिले जाईल असे माणगांव शहरातील कुणबी भवन येथे घेतलेल्या पत्रकार परिषदेत राष्ट्रवादी काँग्रेस माणगांव तालुका अध्यक्ष सुभाष केकाणे म्हणाले.
दि. ११ एप्रिल रोजी माणगांव शहरातील कुणबी भवन येथे सकाळी ११ वा. माणगांव तालुका राष्ट्रवादी काँग्रेस तर्फे आ. महेंद्र थोरवेंनी केलेल्या पालकमंत्री पदावरून आ. आदिती तटकरे यांच्याबद्दल केलेल्या वक्तव्याचा जाहीर निषेध करण्यात करिता पत्रकार परिषदेचे आयोजन करण्यात आले होते.
यावेळी माणगांव तालुका राष्ट्रवादी काँग्रेस अध्यक्ष सुभाष केकाणे, महाड पोलादपूर माणगांव विधानसभा क्षेत्र अध्यक्ष चंद्रशेखर(बाबूशेठ) खानविलकर, जेष्ठ नेते इकबाल धनसे, महिला आघाडी तालुका अध्यक्ष संगिता बक्कम, मा. पं. स. सदस्य शैलेश भोनकर, महिला आघाडी उपाध्यक्ष श्रद्धा यादव, उपाध्यक्ष किशोरी हिरवे, निजामपूर विभाग महिला आघाडी अध्यक्ष देविका पाबेकर, माणगांव शहर अध्यक्ष नितीन वाढवळ, शहर प्रमुख रवींद्र मोरे, ग्रा. पं. उणेगाव सरपंच राजेंद्र शिर्के, सुमित काळे, युवक अध्यक्ष रुपेश तोडकर, राजेंद्र जाधव, स्वप्निल सकपाळ, तुळसा पवार, साहिल गायकवाड आदी राष्ट्रवादी काँग्रेस पदाधिकारी उपस्थित होते.
तसेच मा. ता. रा. कॉ. महिला अध्यक्षा संगीता बक्कम म्हणाल्या की, या सरकार मार्फत महिलांच्या बाबतीत सातत्याने अपमानास्पद वक्तव्य केले जात आहेत. आ. आदिती तटकरेंचे काम कौतुकास्पद आहे. चक्रीवादळ, कोरोना, पूर परिस्थितीत ही आ. आदिती तटकरेंनी उत्कृष्ट काम केले. एक महिला एवढं काम कस करू शकते, याची पोटदुखी आ. थोरवे यांना झाल्यामुळे त्यांनी बेताल वक्तव्य केले आहे. असे वक्तव्य करून त्यांनी स्वतःची योग्यता दाखवून दिली आहे. तसेच यावेळी महाड पोलादपूर विधानसभा अध्यक्ष चंद्रशेखर खानविलकर, जेष्ठ नेते इकबाल धनसे, शहर प्रमुख रवींद्र मोरे यांनी सुद्धा तीव्र शब्दात जाहीर निषेध व्यक्त केला.
0 टिप्पण्या