श्री स्वयंभू गणपती मंदिर मुगवली येथे 'श्री गणेश जन्मोत्सव' सोहळा

 श्री स्वयंभू गणपती मंदिर मुगवली येथे 'श्री  गणेश जन्मोत्सव' सोहळा.

माघी गणेश जन्मोत्सव निम्मिताने मुगवली गावाला यात्रेचे स्वरूप.

पोलीस प्रवाह न्यूज

माणगांव-दि.२५-  'श्री गणेश जन्मोत्सव' हा कोकणात दरवर्षी साजरा केला जातो. यावेळी विविध कार्यक्रम, जत्रोत्सव व जल्लोषामय कार्यक्रमाचे आयोजन करण्यात येते. कोकणात अनेक गणपती देवस्थाने आहेत. त्यातील एक 'स्वयंभू गणपती मंदिर मुगवली' हे आहे. 

माणगांव तालुक्यातील मुंबई गोवा हायवे लगत मुगवली येथे असलेल्या स्वयंभू गणपती मंदिरात श्री गणेश जन्मोत्सव सोहळा दि. २५ जानेवारी रोजी साजरा करण्यात आला. या वेळी सकाळी ७ ते ९ श्री मूर्ती महापूजा अभिषेक, ११ वा. गणेश जन्मोत्सव व किर्तन भूषण ह. भ. प ज्ञानेश्वर मुरलीधर कपलाने यांचे किर्तन तसेच १२.३९ वा. श्री गणेश जन्म दुपारी १ वा. भजन व दुपारी २ वा. श्री गणेश यागारंभ व सायंकाळी ७.३० वा यागपूर्णाहुती, रात्री १२.३० वा महानैवैद्य, आरती व प्रसाद असे कार्यक्रमांचे व यात्रेचे आयोजन विश्वस्त व ग्रामस्थ मंडळाकडून करण्यात आले होते. 

धार्मिक समारंभ कोविड १९ चे प्रादुर्भावामुळे महाराष्ट्र शासन, स्थानिक प्रशासनाचे नियम व अटींचे पालन करून भक्तिमय वातावरणात शिस्तबद्ध पद्धतीने हा उत्सव साजरा करण्यात येत असल्याचे व्यवस्थापक मंडळाने सांगितले. श्री स्वयंभू गणपती मंदिर मुगवली हे माणगांवकरांचे श्रद्धास्थान असल्याने माणगावकरांसह अनेक भक्तांनी येथे देव दर्शनासाठी मोठ्या प्रमाणत हजेरी लावली होती .

मुगवली येथील श्री गणपतीची महती सांगण्यात येते की,

रायगडमध्ये माणगाव तालुक्यात मुगवली येथे स्वयंभू गणपती म्हणून जगभरात प्रसिद्ध आहे. दक्षिण रायगड जिल्ह्यात मुंबई-गोवा महामार्गावर माणगाव पासून तीन किलोमीटर अंतरावरील मुगवली फाट्या पासून अवघ्या दहा मिनिटाच्या अंतरावर मुगवली गावाला लगत हे मंदिर आहे. हे मुगवली गाव शंभर-दीडशे घरांचे छोटे गाव आहे. लोकसंख्या ६०० ते ७०० आहे. कॅनलला लागूनच हे गाव आहे. मोठ्या प्रमाणात शेती सुद्धा या गावात केली जाते. या गावाला कॅनल आणि शेतीमुळे एक वेगळेच सौंदर्य रूप प्राप्त झालेला आहे. या मंदिरामुळे या गावाची शोभा मोठ्या प्रमाणात वाढलेली आहे. 

या गणेशाची महती अशाप्रकारे सांगितली जाते की, या स्वयंभू गणेश स्थानाची प्राचीन परंपरा छत्रपती शिवाजी महाराजांच्या पासून सांगितली जाते. त्यापूर्वी हे जागृत गणेशाचे स्थान गुप्ता अवस्थेत होते. सुमारे ३२५ वर्षांपूर्वी आपल्या शेतात एक तुकाराम शेतकरी नित्याप्रमाणे नांगरणी करीत होता. त्यावेळी अचानक जमिनीतला एक्का दगडास नांगराची फाळ लागून त्या दगडातून रक्त येऊ लागले, ही घटनने मोठे आश्चर्य वाटले. त्यांनी ही घटना आपल्या गावकऱ्यांना सांगितली. ही वस्तुस्थिती पाहून गावकऱ्यांना जाणकारांचा सल्ला घेत जाणकारांनी हे गणेशाचे स्वयंभू स्थान असल्याचे सांगितले. सर्व गावकऱ्यांनी त्या पाषाणा भोवतीची जागा स्वच्छ केली. त्यामुळे सर्वांनाच या श्री-गणेशाचे मोहक दर्शन घडले. सर्वांनी या गणेशाला मनोभावनाने वंदन केले. व एक छोटासा मंदिर उभारला त्यावेळेपासून हा मुगवलीचा गणेश प्रकट झाला. व सर्वांची संकटे दूर करण्यास सज्ज झालेला आहे. तीस वर्षांपासून या गणेशाचे मंदिर अगदी छोटे होते. आसपासच्या हजारो भाविकांना त्याची प्रचीती येत आहे. हे गणेश देवता नवसाला पावतो अशी भाविकांची मोठी श्रद्धा असल्यामुळे पुणे, मुंबई तसेच अनेक ठिकाणाहून भक्तगण या गणेशाच्या दर्शनासाठी येत असतात. मुगवली मंदिरात दरवर्षी  गणेश उत्सव मोठ्या धुमधडाक्यात साजरा करण्यात येतो.

या जागृत मुगवलीच्या गणेशाची मूर्ती जमिनीतून वर आलेली दोन फूट लांबी रुंदीच्या गोलाकार असलेल्या पाषाणावर नैसर्गिक अवस्थेत असून मस्तक उभी सोंड असून तेजस्वी डोळे गणेश ध्यान भाविकांना परम संतोष वाटते. याच वर्षी सर्व मुगवली ग्रामस्थांनी एकत्र येऊन गणेशच्या पाठी मागील बाजूस चांदीचे आसन बनवले आहे. हा गणेश सिंहासनाधिष्ट वाटतो. जणूकाही सिंहाला पाठ टेकून खाली पाय सोडून भक्तांना अभय व न्याय देण्यासाठी दरबारात बसला आहे, असे दृश्य दिसून येते. या गणेशाचे नेत्र इतके तेजस्वी आहेत. मंदिरात येणाऱ्या प्रत्येक भाविक याकडे त्याचे लक्ष आहे असे जाणवते. अशी या मुगवली चा गणेशाची महती सांगण्यात येते.